നാലു ഋതുക്കളില് നാലു നിലയില് ജീവിച്ചിരുന്ന ക്രിസ്തുവിന്റെ ഒരു ഋതു സംഗീതസാന്ദ്രമായിരുന്നു എന്ന് ഖലീല് ജിബ്രാന്റെ പ്രശസ്തമായ മനുഷ്യപുത്രനായ യേശുവില് നിന്ന് വായിച്ചിരുന്നു. ഏറെ ഗവേഷണം ചെയ്തെഴുതിയ ആ നോവലില് എന്നാല്, ക്രിസ്തുവിന്റെ ഋതു മാറിയുള്ള ജീവിതങ്ങള് എന്നത് ജിബ്രാന്റെ ഭാവനയായിരിക്കാം എന്നാണ് കരുതിയത്. എന്നാല് ക്രിസ്തുവിന്റെ ജന്മനാട്ടില് നിന്നുള്ള ഈ നാണയത്തില് കൊത്തിയ സംഗീതകാരനായ ക്രിസ്തുവിന്റെ രൂപം, അത് ജിബ്രാന്റെ ഭാവനയല്ല എന്നു വ്യക്തമാക്കി. കഥയെ കാര്യമാക്കുന്നതാണ് പലപ്പോഴും പുരാവസ്തുڋശാസ്ത്രത്തിന്റെ വിസ്മയം.